Monday, September 4, 2017 2:21:14 PM

Blind Help Project (Urdu)

Blind Help Project kay WhatsApp group mein khush aamdeed. yeh group khaas tor par aysay logo k liye banaya gaya hai, jo Urdu ya Hindi k ilava kisi teesri zubaan ko nahi jaantay. Aysay he logo ki asaani kay liye hum nay group say mutalliq zaroori maaloomat yahan roman Urdu/Hindi mein likh di hain, taakay in ko samajhnay mein kisi qisam ki dushwari ka saamna na karna paray.

Qawaaid-o-Qawaneen

BHP ka yeh group technology say mutalliq sawaal-o-jawab aur maaloomat faraham karnay ki gharz say tashkeel dia gaya hai, Taakay group mein mojood mukhtalif ilaaqo aur mulko say taaluq rakhnay waalay members ba-asaani is platform ka istamal kartay huway na sirf technology kay baaray mein maaloomat ka tabadla karain, balkeh apnay masaail parr sawaalat, aur doosro kay sawaalat kay jawaabat day sakain. Taham, yeh zaroori hai kay group mein shirkat kartay huway harr member darj zail muqarrar shuda zaabto ka khyal rakhay. Agar koi b fard in qawaneen ki khilaaf warzi karay ga, to woh hamaray admin kay zariye group say remove kar dia jaaye ga.

  1. har tarrah ka mzahiqa khaiz beyaan, jo kisi bhi qisam ki tazleel ka baais bannay, sakhti say manna hai.
  2. Hamaray liye harr member ki zaatiyat "privacy" bohat eham hai. Is liye kisi member ko barah-e-raast "direct" messages karnay k liye pehlay muntazim "admin" say ijazat layni zaroori hai
  3. Behtar hai kay harr member mukhtassar aur jaamay andaaz mein group mein hissa lay. Aap ki baat munfarid aur mukammal ho, aur us mein koi aysa ansar shaamil na ho jo group k bunyadi mozu say mutabiqat naheen rakhta.
  4. Members ko harr qisam ki mashawirat ya tajaaveez kay liye barah-e-raast "direct" admin say raabta karnay ka haqq haasil hai.

Agar aap in tamaam Qawaneen say muttafiq "agreed" hain, to barah-e-meherbani neechay diye huway checkbox ko checkmark lagaannay k baad "continue" pay enter karain. Agar muttafiq nahi hain, to "exit" pay enter kar kay mojooda page ko close kar dain.

Is Checkbox parr checkmark laga karr main waazeh "indicate" karta/karti hoon kay main nay oopar diye gye tamam qawaaid samajh liye hain, aur group mein rehtay huway apnay ruwaiye ki zimedari mukammal tor parr mujh parr ho gi. Main yeh bhi tasleem "accept" karta/karti hoon kay agar mujh say kisi bhi qisam ki khilaaf warzi huwi, to koi bhi admin mujhay foran group say bay-dakhal "remove" karr sakta hai.
Mujhay Qabool Hai:
Tawajo farmaiye! yeh zaroori hai kay aap yeh page mobile kay web browser parr open karain. Computer say brows kartay huway aap hamara WhatsApp group directly join nahi kar saktay.